Leviticus 5:1 εϣωπ `ντε ουψυχη ερνοβι ουοϩ `ντεςςωτεμ ετςμη `νουαναϣ ουοϩ φαι ουμεθρε πε ιε αϥναυ ιε αϥεμι επιϩωβ αϥϣτεμϫος εϥεϭι `μπινοβι
Leviticus 5:2 ουοϩ ϯψυχη ετναϭι νεμ ϩωβ νιβεν ετϭαϧεμ ιε εθμωουτ ιε φη ετα νιθηριον ουωμ εβολ `μμοϥ ετϭαϧεμ `ντεϥουεμ αϥ ετμωουτ ετορεβ ετϭαϧεμ
Leviticus 5:3 ιε `ντεϥϭι εβολ ϧεν πϭωϧεμ `ντε ουρωμι εβολ ϧεν ϭωϧεμ νιβεν νταϥ ουοϩ `ντεϥϭι νεμωου ουοϩ `ντεϥςωϥ `μπεϥεμι ουοϩ μενενςα ναι `ντεϥεμι ουοϩ `ντεϥϣωβτ
Leviticus 5:4 ιε ουψυχη θη ετναωρκ εςφορϫ ϧεν νεςςφοτου ειρι `νουπετϩωου ιε ουπεθνανεϥ κατα ϩωβ νιβεν ετε πιρωμι ναφορϫου νεμ ουαναϣ ουοϩ `ντεϥωβϣ ερωου ουοϩ φαι `ντεϥεμι ουοϩ `ντεϥερνοβι `νουαι `νϩλι νναι
Leviticus 5:5 ουοϩ εϥεουωνϩ `μπινοβι εθβε φη εταϥερνοβι νϧητϥ
Leviticus 5:6 ουοϩ εϥεινι εϩρηι `μ`πϭοις εϫεν πεϥϣωβτ εϫεν πινοβι εταϥερνοβι `μμοϥ ουϩιεβι νςϩιμι εβολ ϧεν νιεςωου ιε ουβαεμπι νςϩιμι εβολ ϧεν ϩανβαεμπι εϩρηι εϫεν `φνοβι ουοϩ εϥετωβϩ εϩρηι εϫωϥ `νϫε πιουηβ εθβε πινοβι ουοϩ ευεχω `μπινοβι ναϥ εβολ
Leviticus 5:7 εϣωπ τεϥϫιϫ ϫεμϫομ αν ειρι `μπικανων εουεςωου εϥεινι εϩρηι εϫεν πεϥνοβι εταϥερνοβι `μμοϥ ϭρομπϣαλ 2. ιε μας 2. νϭρομπι `μ`πϭοις ουαι εϩρηι εϫεν `φνοβι νεμ ουαι ευϭλιλ
Leviticus 5:8 ουοϩ εϥεενου ϩα πιουηβ ουοϩ εϥεινι εϧουν `νϫε πιουηβ νϣορπ μφη ετϩιϫεν `φνοβι ουοϩ πιουηβ εϥεϭωρπ `ντεςαφε εβολ ϩα νεςμοϯ ουοϩ `ννεϥφαϣς
Leviticus 5:9 ουοϩ εϥενουϫϧ εβολ `μπι`ςνοϥ `ντε φη ετϩιϫεν `φνοβι εϫεν ϯϫοι `ντε πιμανερϣωουϣι ουϣι πςεπι δε `μπι`ςνοϥ εϥεϫελϫωλϥ εϩρηι εϫεν ϯβαςις `ντε πιμανερϣωουϣι ϫε ουηι γαρ φα `φνοβι πε
Leviticus 5:10 ουοϩ πιμαϩ2. εϥεαιϥ `νουϭλιλ ` μ`φρηϯ ετςεμπϣα ουοϩ εϥετωβϩ εϩρηι εϫωϥ `νϫε πιουηβ εθβε πινοβι εταϥαιϥ ουοϩ ευεχω ναϥ εβολ
Leviticus 5:11 εϣωπ τεϥϫιϫ ϫιμι αν `μπιηι νϭρομπϣαλ ιε πιμας 2. νϭρομπι εϥεινι `μπεϥδωρον εϧουν εθβε φη εταϥερνοβι `μμοϥ `φρεμητ `νουωινι νςεμεταλιον εϩρηι εϫεν `φνοβι `ννεϥϫεϣ νεϩ εϩρηι εϫωϥ ουδε `ννεϥταλε λιβανος εϩρηι εϫωϥ ϫε ουινι πε εϩρηι εϫεν `φνοβι
Leviticus 5:12 ουοϩ εϥεενϥ ϧατεν πιουηβ εϥεμοϩ `ντεϥϧορπς εςμεϩ εβολ νϧητϥ επεϥμευι εϥεταλοϥ εϫεν πιμανερϣωουϣι εϫεν νιϭλιλ `μ`πϭοις φα `φνοβι πε
Leviticus 5:13 ουοϩ εϥετωβϩ εϩρηι εϫωϥ `νϫε πιουηβ εθβε πεϥνοβι εταϥερνοβι `μμοϥ εβολ ϧεν ουαι νναι ουοϩ ευεχαϥ ναϥ εβολ φη δε εταϥςωϫπ εϥεϣωπι `μπιουηβ ` μ`φρηϯ `νουϣουϣωουϣι νςεμιδαλιον
Leviticus 5:14 ουοϩ α `πϭοις ςαϫι νεμ μωυςης εϥϫω `μμοϥ
Leviticus 5:15 ϫε ϯψυχη θη ετναωβϣ ϧεν ουεβϣι ουοϩ `ντεϥερνοβι ϧεν ουμετατεμι εβολ ϩα νη εθουαβ `ντε `πϭοις ουοϩ εϥεινι εϩρηι εϫεν πεϥϣωβτ `μ`πϭοις ουωιλι εϥοι `ναταϭνι εβολ ϧεν νιεςωου ϧα ττιμη `νουϩατ ντα ϩανςικλος εβολ πιςικλος `ννιεθουαβ εϩρηι εϫεν φη εταϥϣωϥτ
Leviticus 5:16 νεμ φη εταϥερνοβι `μμοϥ εβολ ϩα νεθουαβ εϥετηιϥ ουοϩ εϥετουϩο εϩρηι εϫωϥ `μπιρε5. ουοϩ εϥετηιϥ `μπιουηβ ουοϩ εϥετωβϩ εϩρηι εϫωϥ `νϫε πιουηβ νϧρηι ϧεν πιωιλι `ντε πιϣωϥτ ουοϩ ευεχω ναϥ εβολ
Leviticus 5:17 ουοϩ ουψυχη θη ετναερνοβι ουοϩ `ντεςιρι `νουι `ννιεντολη τηρου `ντε `πϭοις ετε `ςϣε ναιτου αν ουοϩ `ντεϥϣβτ ουοϩ `ντεϥϭι `μπεϥνοβι
Leviticus 5:18 ουοϩ εϥεινι εϧουν `νουωιλι εϥοι `ναταϭνι εβολ ϧεν νιεςωου ϧα ττιμη `νουϩατ εϫεν ουϣωϥτ ϧα πιουηβ ουοϩ εϥετωβϩ εϩρηι εϫωϥ `νϫε πιουηβ εθβε τεϥμετατεμι εταϥερατεμι `μμος ουοϩ νθοϥ εναϥεμι αν ουοϩ ευεχω ναϥ εβολ
Leviticus 5:19 αϥϣωϥτ γαρ ϧεν ουϣωϥτ `μπεμθο `μ`πϭοις
Leviticus 5:20 ουοϩ α `πϭοις ςαϫι νεμ μωυςης εϥϫω `μμος
Leviticus 5:21 ϫε ουψυχη αςϣανερνοβι ουοϩ ϧεν ουχω `ντεϥχω `νςωϥ `ννιεντολη `ντε `πϭοις ουοϩ `ντεϥϫεμεθνουϫ ϧεν νη ετουτωϥ νεμ πεϥϣφηρ ϧεν ουπαραθηκη ιε εθβε ουμετϣφηρ ιε εθβε ουϩωλεμ ιε αϥϭι `μπεϥϣφηρ νϫονς
Leviticus 5:22 ιε `ντεϥϫιμι `νουαγω εςςορεμ ουοϩ `ντεϥϫεμεθνουϫ εθβητς ουοϩ `ντεϥερ ουαναϣ ϧεν ουϭι νϫονς εθβε ουαι εβολ ϧεν ϩωβ νιβεν `ντε νη εϣαϥαιτου `νϫε ουρωμι ϩως εερνοβι ϧεν ναι
Leviticus 5:23 ουοϩ εςεϣωπι αϥϣανερνοβι ουοϩ `ντεϥϣωϥτ ουοϩ εϥεϯ `μπιϩωλεμ εταϥϩολμεϥ ιε πιϭι νϫονς εταϥϭι νϫονς `μμοϥ ιε ϯπαραθηκη εταυϫαλως εροϥ ιε ϯαγω εταϥϫεμς
Leviticus 5:24 νεμ εβολ ϧεν ϩωβ νιβεν εταϥωρκ εθβητου ϧεν ουϭι νϫονς ουοϩ εϥετηιϥ `μπικεφαλεον νεμ πεϥρε5. εϥεουαϩϥ εϫωϥ φη ετε φωϥ πε εϥετηιϥ ναϥ ϧεν πιεϩοου ετουναςοϩι `μμοϥ
Leviticus 5:25 ουοϩ εϥεινι εϧουν εϫεν πεϥϣωβτ `μ`πϭοις `νουωιλι `ναταϭνι εναϣεν ςουενϥ εϫεν φη εταϥϣωϥτ νϧητϥ
Leviticus 5:26 ουοϩ ερε πιουηβ εϥετωβϩ εϩρηι εϫωϥ `μπεμθο `μ`πϭοις ουοϩ ευεχω ναϥ εβολ εθβε `φουαι `φουαι ννη εταϥαιτου